புண்ணியம் கோடி வரும்
பொய் வாழ்க்கை ஓடிவிடும்
எண்ணியது கை கூடும்
ஏற்றத் துணை நன்னிடவே
வாழ்வில் வள ரொளியாம்
ஸ்ரீசெல்வ விநாயகனை
நாளெல்லாம் வணங்கிடுவோம் நன்று

கணபதி தேவா
கஜமுக நாதா
ஸ்ரீ செல்வ விநாயக நாதா
நஞ்சைக் கொஞ்சித் தவழும்
நன்னிலமைத் திகழ்வோனே
நெஞ்சை அள்ளிச் செல்லும்
ஐங்கரனே பெருமானே

காரணக்காரிய செல்வ விநாயகர்
காரண மில்லாது காரிய மேதுமில்லை
தோரணமிட்டுத் தொழுகின்ற அடியவர்க்கு
பூரண ஞானம் புகழும் தேடிவர
வாரண மாகிய வள்ளல் பெருமானே
நாரணன் நான்முகன் நல்லரு ளீசன்
வாரண மாக்க வலம் வந்த காரணத்தால்
சீரெனச் செல்வ விநாயக நின் பதம்
ஊரென வாழ்வோம் உவந்து